ربطات الحجاب وما يناسب وجهك ومناسباتك أختي المحجبه

خامات الحجاب خامات الطرح اشكال ونقشات الطرح اشكال ونقشات الحجاب أحدث اشكال وانواع الطرح والبندانه شكل الطرح والحجاب المناسب لكل وجه الطرح المناسبه لبنت الجامعه موديلات الحجاب والطرح
كملي جمالك بربطة حجابك .... هام جدا
إيه هي أحدث خامات الطرح؟
كل فصل من فصول السنة له خامة، يعني في فصل الصيف ممكن نلبس الطرح الأقطان الخفيفة والشيفون.. وفي فصل الشتاء نلبس الطرح القطن الثقيلة شوية وهي موضة جدا السنة دي، أما الأورجانزا والتول والشيفون فممكن نلبسهم في أي وقت وبيناسبوا أكثر السهرات والسواريه.

ربطات الحجاب وما يناسب وجهك ومناسباتك أختي المحجبه 43101_1209041512

ربطات الحجاب وما يناسب وجهك ومناسباتك أختي المحجبه 43101_1209041512

أحدث أشكال ونقشات الطرح إيه؟

الألوان المتداخلة مازالت موضة والطرح الكاروه والطرح المنقطة والطرح اللي فيها كور موجودة بكثرة والطرح المقلمة..
ومعظم الخامات دلوقتي فيها لمعة وممكن نلاقي اللمعة الفضي والذهبي مع بعض، يعني مثلا تلاقي القماش كاروه أحمر وأسود وفيه لمعة فضي أو ذهبي ولون رصاصي وفيه لمعة فضي، والأشكال المنتشرة الآن الطرح الضخمة زي (الشال).
واللمعة اللي موجودة في الطرح ممكن نلبسها في النهار؟

معظم البنات كانوا متخوفين إنهم يلبسوا الطرح اللي بتلمع في النهار لكن دلوقتي أصبحت موضة جدا.

ربطات الحجاب وما يناسب وجهك ومناسباتك أختي المحجبه 43101_1209041565

ربطات الحجاب وما يناسب وجهك ومناسباتك أختي المحجبه 43101_1209041565

هل ربطة الطرحة الإسبانش تراجعت شوية؟
أيوه الربطة الإسبانش تراجعت وأصبحت منتشرة حاليا الربطة المنفوشة وخصوصا الطرح الصوف المنقوشة ونازلة على الظهر كله ووجود أكثر من طرحة مع بعض.
ربطات الحجاب وما يناسب وجهك ومناسباتك أختي المحجبه 43101_1209041622

ربطات الحجاب وما يناسب وجهك ومناسباتك أختي المحجبه 43101_1209041622

وإيه هي أحدث أشكال وأنواع البندانة؟
أولا أنا عايزة أنصح كل البنات بإنهم يلبسوا (البندانة القطن) في الأساس على شعرهم مباشرة لأنها مفيدة وصحية جدا وتمنع تساقط الشعر وتحافظ عليه وكمان بتساعد على وضع الدبابيس كويس ولا تساعد على تزحلق الطرحة...

وعلى فكرة البندانة دلوقتي بقت بديل عن الطرحة، يعني تقدر البنت تضع أكثر من لون للبندانة على إنهم طرح ملونة وتضع في النهاية طرحة واحدة في الواجهة، وفيه أنواع كثيرة من البندانة زي البندانة "الليكرا "- "شيفون"- "التول". وعرضها 10سم وطولها 30 سم وكمان البندانة المستطيلة والبندانة الكاملة على الرأس وممكن البنت تلبسها بطريقة مائلة والعكس

نتكلم بالتفصيل شوية عن شكل الربطة المناسبة للبنت في الجامعة؟
ربطة الطرحة لازم تكون بسيطة وخفيفة فممكن تستخدم طرحة أو طرحتين على الأكثر.. يا ريت تحاول تبعد عن الألوان الكثيرة وتكون رقيقة على قد ما تقدر وتبعد تماما عن التول والأورجانزا. وتاخد بالها كويس جدا من لبسها فلو مثلا لابسة حاجة سادة يبقى ممكن الطرحة يكون فيها ألوان، لكن لو لابسة حاجة ملونة أو فيها نقوش يبقى لازم الطرحة تبقى سادة.

وممكن البنت تنوع في شكل ربطة الطرحة بتاعتها وهي رايحة الجامعة فممكن إنها تعمل ربطة إسبانش، بس تاخد بالها إنها تلفها زي الكحكة وتجيبها على قدام، ولو مش عايزة إسبانش يبقى تربطها عادي بطرحة أو طرحتين أو طرحة وبندانة.

ربطات الحجاب وما يناسب وجهك ومناسباتك أختي المحجبه 43101_1209041680

ربطات الحجاب وما يناسب وجهك ومناسباتك أختي المحجبه 43101_1209041680

عايزين طريقة لفة طرحة تكون روشة؟
1 - نجيب إيشارب واحد نربطه من الخلف طرف طويل وطرف قصير.
2 - الإيشارب الثاني نمسكه بطريقة مائلة ونربطه من الخلف.
3 - كده أصبح عندي أربعة أطراف في الخلف، 2 قصيرين و2 طوال.
4 - بعد كده أجيب واحد من الطرفين الطوال وأطلع بيه عدل وأربطه تاني للخلف.
5 - كده المنظر أو الشكل عدل بميل واللي بعده عدل.
6 - هيكون باقي عندي طرف طويل وطرفين قصيرين.. في هذه الحالة ممكن أجيب الطرف الطويل ألفه على الكحكة وأجيب الثلاثة أطراف على قدام.
7 - لو الأطراف طويلة أعملهم ضفيرة لقدام أو على الخلف.
8 - وممكن فكرة ثانية أجيب الطرف الطويل ألفه على الطرفين القصيرين وأمسكهم في النصف بإكسسوار على كحكة من وراء.
9 - إذن المنظر في النهاية هيكون من قدام عدل ومائل ومن الظهر الأطراف عاملة زي (ذيل الحصان) ومربوطة بإكسسوار.

ربطات الحجاب وما يناسب وجهك ومناسباتك أختي المحجبه 43101_1209041734

ربطات الحجاب وما يناسب وجهك ومناسباتك أختي المحجبه 43101_1209041734

ربطة الطرحة السواريه تكون عاملة ازاي؟

الأفضل تكون أكثر من طرحة وفي البداية:

1 - أبدأ الأساس بالطرحة الشيفون.
2 - بعدين أضع الطرحة التول عشان بيعطي للبنت شكل فخامة.
3 - وبعدها أضع إكسسوار زي (شريط ستان – سلاسل خرج النجف) أو قطعة من الفستان.
4 - وبعدها أقفل الطرحتين بأكثر من طريقة ممكن الشيفون والتول مع بعض لقدام أو المهم مع بعض كلهم شنيوه عالي لفوق.

عايزين نعرف طريقة ستايل لربطة التول والشيفون؟

1 - أجيب الطرحة الشيفون أربطها على شكل كحكة.
2 - أجيب الطرحة التول وألبسها من الخلف وأعملها كروس على قدام.
3 - أنزل بيهم تاني للخلف وكده هيعطيني شكل البندانة.
4 - بعد كده ألمهم كلهم مع بعض على تحت الشيفون مع التول

ربطات الحجاب وما يناسب وجهك ومناسباتك أختي المحجبه 43101_1209041799

ربطات الحجاب وما يناسب وجهك ومناسباتك أختي المحجبه 43101_1209041799

عايزين نعرف طريقة ثانية لربط ثلاث طرح وتكون روشة؟

1 - الطرحة الشيفون أول طبقة.
2 - الطرحة الثانية أجيبها من نصف رأسي بالطول.
3 - الطرحة الثالثة التول أطلع بها كروس لفوق.
4 - أجيب الطرحة الشيفون اللي عملتها من نصف رأسي للوراء.
5 - أرجع تاني وأقفل (كروس) وأنزل كأني أدخلت الشيفون وقفلتها من المنتصف.
الشكل هيظهر عندي كالتالي:
6 - اللون الأول قفلت بيه شعري.
7 - بعدين طلعت بالتول كروس.
8 - وبعدين قفلت من النصف بلون ثاني شيفون.
9 - وكده هيكون شكل الألوان متداخلة. وقفلت المنطقة الأمامية.
بعد كده أعمل إيه؟!
10 - هتكون عندي الأطراف للوراء.
أعمل فيها إيه؟
11 - لو وجهي مليان تكون الأطراف للوراء.
لو وجهي رفيع أجيب الأطراف للأمام.
لو جسمي قصير أرفع الأطراف لفوق.
لو جسمي طويل أنزل بالأطراف لتحت.

ربطات الحجاب وما يناسب وجهك ومناسباتك أختي المحجبه 43101_1209041858

ربطات الحجاب وما يناسب وجهك ومناسباتك أختي المحجبه 43101_1209041858

فيه بنات كتير بتحب تلبس طرحة واحدة. تربطها ازاي؟

دي ليها أكتر من طريقة:

الطريقة الأولى:
تربطها عادي جدا من الخلف وبعدين تجيب الطرفين على قدام وتربطهم كأنهم زي (الإسكارف أو الكوفية) وتمسكهم بإكسسوار من النصف وممكن تلبس بندانة.

الطريقة التانية:
تربط الطرحة من الخلف وتجيب الأطراف لقدام على شكل حلزوني وتربط أطرافهم بإكسسوار أو شريطة.

طيب والبنات اللي بتحب تلبس أكتر من طرحتين.. الربطة تكون ازاي؟
تعمل طرحة واحدة عدلة وتطلع بواحدة كروس والثانية عدلة أو تلبس بندانة والطرحتين كروس، يعني تضعها بطريقة مائلة وتربطها من الخلف.. والطرحة الثانية تكون عكس الكروس الأول وتربطها بطريقة مائلة من الخلف وممكن تعمل كمان من الأطراف كروس عكس الكروسات الأولى.

البنت المصرية بتحب الربطة الخليجي.. تعملها ازاي؟
1 - تجيب بندانة وتلبسها كويس على رأسها.
2 - تجيب الطرحة وتلفها وتكون من الناحية اليمين قصيرة ومن الناحية الشمال طويلة.
3 - وتربطها بدبوس وتكون (مرحرحة).
4 - بعد كده تجيب الطرف الشمال وتلف الطرحة على الرأس بشكل طرفين.
5 - وبعد كده الناحية القصيرة تتركها على كتفها وتجيبها من الخلف إلى الأمام.

واللفات المغربي والهندي بتكون شكلها ازاي؟

اللفات دي بتكون غير ثابتة ولفها بيكون بطريقة عشوائية وتكون مطابقة لشكل العبايات لأن المغاربة بيحبوا يلبسوا عبايات وتكون خامة الطرحة نفس خامة العباية ويضعوا إكسسوار على الطرح وبيعملوا أكثر من لفة وينفشوها

ربطات الحجاب وما يناسب وجهك ومناسباتك أختي المحجبه 43101_1209041919

ربطات الحجاب وما يناسب وجهك ومناسباتك أختي المحجبه 43101_1209041919

الربطة المنفوشة أعملها ازاي؟

1 - أجيب طرحة وأربطها من الخلف إسبانش.
2 - الطرحة الثانية نجيبها لقدام.
3 - الطرحة الثالثة تكون منفوشة ونربط طرف منها على فوق والطرف الثاني على الكتف.
4 - الناحية العريضة نرفعها لقدام كأنه شال.

ما الألوان المتناسقة مع بعضها وتكون موضة؟
الفوشية مع الأحمر، والأورانج والبني، والموف مع الأصفر والتركواز.. وأنا في رأيي إن معظم الألوان تتناسب مع بعضها لكن المهم اختيار الدرجة.. يعني درجة معينة مع الأصفر ودرجة معينة مع التركواز وتداخل الألوان يحتاج تركيز ويعتمد على الإحساس الشخصي.

لو مش عاوزة ألبس الطرحة نفس لون البلوزة أعمل إيه؟

لو البلوزة أورانج مثلا ممكن ألبس طرحة زيتي أو بصلي أو أكثر من لون بس يكونوا مناسبين للون البلوزة

ربطات الحجاب وما يناسب وجهك ومناسباتك أختي المحجبه 43101_1209041969

ربطات الحجاب وما يناسب وجهك ومناسباتك أختي المحجبه 43101_1209041969

ازاي أنسق الإكسسوار مع الطرحة؟
يعني مثلا لو البلوزة صفراء ممكن ألبس طرحة تركواز والإكسسوار يكون تركواز أو تركواز في أصفر. ولو البلوزة زيتي ممكن الطرحة تكون صفراء والإكسسوار أصفر في زيتي، ولو البلوزة بيضاء فكل الألوان تتناسب معها، والإكسسوارات تكون ملونة ومتداخل فيها ألوان كثيرة..

ربطات الحجاب وما يناسب وجهك ومناسباتك أختي المحجبه 43101_1209042028

ربطات الحجاب وما يناسب وجهك ومناسباتك أختي المحجبه 43101_1209042028

اتمني ان الموضوع يكون عجبكم
ربطات الحجاب وما يناسب وجهك ومناسباتك أختي المحجبه Frowngif

ميرسسسسسسى جدااااااااااااااااا

يا ميسووووووووون يا قمر على الطرق الجامدة دى

مرسي يا قمر

تسلم ايديك

ميرسى ليكم انتووو نورتونى
ياكوكى انتى واسراء

والحمد لله ان الموضوع عاجبكم

تسلمى يا قمر Wink

ورشه تعليم الاكسسوارات باسعار خرافية بالقاهرة

انواع الورش :
ورشة اكسسوار يوم واحد 4 ساعات
* ورشة تقطيع نحاس ( اركت ) يوم واحد 4 ساعات
* ورشة الماظ يوم واحد 5 ساعات.
* ورشة سلك نحاس يوم واحد 4 ساعات.
سعر كل ورشة 200 جنية واقل عدد 10 افراد .
المكان هايكون غالباً في قصر الثقافة .
اللى عايزة ياريت تراسلنى على الخاص او الايميل . كل حد عايز يحجز ياريت يبعتلى رقمة واسمه ونوع الورشة اللي عايزها واول ما العدد يكتمل هانكلمكوا .
بعدها هانبتدي على طول ان شاء الله .
الخامات كلها عندنا مش بتجيبوا حاجه معاكم ولو عايزين تشتروا الادوات والخامات كمان بنوفرهالكم بإذن الله