عالم المزيكا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عالم المزيكا


 
البوابةالبوابة  الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 نصائح للاكل بعد الخطوبة طبعا للبنات , والشباب يدخل علشان يضحك

اذهب الى الأسفل 
4 مشترك
كاتب الموضوعرسالة
احمد عرفان
مشرف عام منتدى عالم المزيكا
مشرف عام منتدى عالم المزيكا
احمد عرفان


ذكر
عدد الرسائل : 1327
العمر : 34
البلد : مصر
عرفت الموقع منين ؟ : مشرف قسم الاغانى
مزاجك ايه يا مان دلوقتى : عال
تاريخ التسجيل : 20/02/2008

نصائح للاكل بعد الخطوبة طبعا للبنات , والشباب يدخل علشان يضحك Empty
مُساهمةموضوع: نصائح للاكل بعد الخطوبة طبعا للبنات , والشباب يدخل علشان يضحك   نصائح للاكل بعد الخطوبة طبعا للبنات , والشباب يدخل علشان يضحك Icon_minitimeالجمعة يونيو 20, 2008 3:02 pm

أختي العزيزة لو ربنا فك عقدتك واتخطبتي
فإليك نصائحي حتى تأخذي بخطيبك من مركب الخطوبة إلى مثوااااه الأخير في قفص النسانيس
قصدي قفص الزوجية السعيد

أجمل ما في الخطوبة العزومات الرومانسية على أحلى محلات أكل فى البلد
واللي عمرك ماهاتشويفها بعد الجواز
المهم نصائحي لك عند أي عزومة مع خطيبك


1- الشوكه والسكينة

الأول لازم تعرفي إن الشوكة والسكينة بيتمسكوا من إيديهم
من الطرف يعني مش من الوسط ولا من البوز زي الخنجر ولا من فوق طبعًا

2- العيش

العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي
العيش بيتقطع بالسكينة فى الطبق وبعدين تاخدي لقمة
لقمة بالعافية قال يعني نفسك مسدودة
اضغطي على أعصابك جدااا
وبعدين لما تروَّحي إبقي حِفِّي زي مانتِ عايزه

3- الشوووربة

بند الشوربة ده مهم جدًاااا
أبوس رجلك الشوربة تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون
وطبعــاً عايزك تنسى تمامًاالسلطانية اللي بتقيميها على بقك ف البيت وتدلقي على روحك
بالمعلقه وبدون صوت
سخنة ولعة برضه بدون صوت
وتسيبي تلت الطبق ع الأقل مش تميليه عشان تلهطيها لآخر نقطة

4- الرز

طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي
إوعي
الرز بالشوكة وكأنك بتبوسيه مش بتاكليه

5- المكرونة

الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود

6- السمك

مشكلة
شوفي
بتفصلي اللحم عن الشوك ..إزاي؟؟
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة.. بلاش فلح
شيلي السلسلة بالشوكة والسكينة وحطيها ف جنب الطبق وكملي أكل النص التاني
وبدل الفيلم الهندي ده
نصيحة ماتكليش السمك خالص
قولي مابحبش السمك وخلصي نفسك

7- الجمبري

إذا كنتي عارفاه
أول ماطبق الجمبري ينزل.. بصيله بقرف واحتقار شديدين
آل يعني زهقانة من كتر أكل الجمبري الجامبو ف بيت بابـا
وأتنهدي جامد وقولي.. برضه؟؟؟
وتروحي قاطعة راس الجمبرياية بالشوكة
أنا فى عرضك إنسي المصمصة دلوقتى

8- البطاطس

سواء مسلوقة أو محمرة
أوعي تهرسيها وتدبيها على الرز وتدي
لا..لآ...لآ
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

9- الفاكهة

لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة
وبعدين فى طفاية السجاير اللي على الترابيزه
أوعي ياحبيبتي من نظام التفتفة للبذر
إنسي

10- لما تخلصي

ولما تخلصي أكل تحطي إيدك على بطنك
اللي عصافيرها بتصوصو من العينات اللي كلتيها.. وتقولي له مش ممكن
أنا عمري ما اتفجعت كدة
أنا قدامي أسبوع هابطل أكل فيه
وبعدين تمسكي الفوطة اللي دايمًا موجودة على التربيزة من غير لازمة
وتبوسيها
آل يعني بتمسحي بؤك
وبعدين تستأذني منه لدخول التوليت لإصلاح ماكياجك
وتخشي التواليت وتطلعي من شنطة إيديك
لفة الفول والطعمية اللي جايباها معاكي
وبالهنا والشفـــاء



اعلنت الحرب على البنات

واللى خايف يروح نصائح للاكل بعد الخطوبة طبعا للبنات , والشباب يدخل علشان يضحك Grin
نصائح للاكل بعد الخطوبة طبعا للبنات , والشباب يدخل علشان يضحك Grin
الرجوع الى أعلى الصفحة اذهب الى الأسفل
molto
عضو زهبى
عضو زهبى
molto


انثى
عدد الرسائل : 538
العمر : 31
البلد : ام الدنيا
عرفت الموقع منين ؟ : من اللي ماتتسمي كوكي
مزاجك ايه يا مان دلوقتى : نيلة علي الاخر
تاريخ التسجيل : 09/06/2008

نصائح للاكل بعد الخطوبة طبعا للبنات , والشباب يدخل علشان يضحك Empty
مُساهمةموضوع: رد: نصائح للاكل بعد الخطوبة طبعا للبنات , والشباب يدخل علشان يضحك   نصائح للاكل بعد الخطوبة طبعا للبنات , والشباب يدخل علشان يضحك Icon_minitimeالجمعة يونيو 20, 2008 3:46 pm

علي فكرة يا احمد البنات اعلنوا عليكو الحرب اصلا من زماااااااااان بس انتوا مخدتوش بالكو الا دلوقتي
ربنا يوفقوا برضة احنا روحنا رياضية
الرجوع الى أعلى الصفحة اذهب الى الأسفل
rodina




انثى
عدد الرسائل : 21
العمر : 35
البلد : egypt
عرفت الموقع منين ؟ : by chance
مزاجك ايه يا مان دلوقتى : cool
تاريخ التسجيل : 22/06/2008

نصائح للاكل بعد الخطوبة طبعا للبنات , والشباب يدخل علشان يضحك Empty
مُساهمةموضوع: رد: نصائح للاكل بعد الخطوبة طبعا للبنات , والشباب يدخل علشان يضحك   نصائح للاكل بعد الخطوبة طبعا للبنات , والشباب يدخل علشان يضحك Icon_minitimeالسبت يوليو 19, 2008 7:00 pm

eslobk 7elo awyyyyyyyyyyyyyyyyyyy
الرجوع الى أعلى الصفحة اذهب الى الأسفل
hend




انثى
عدد الرسائل : 33
العمر : 33
البلد : egypt
عرفت الموقع منين ؟ : عرفته من البحث
مزاجك ايه يا مان دلوقتى : قشطة جدا
تاريخ التسجيل : 12/06/2008

نصائح للاكل بعد الخطوبة طبعا للبنات , والشباب يدخل علشان يضحك Empty
مُساهمةموضوع: رد: نصائح للاكل بعد الخطوبة طبعا للبنات , والشباب يدخل علشان يضحك   نصائح للاكل بعد الخطوبة طبعا للبنات , والشباب يدخل علشان يضحك Icon_minitimeالأربعاء أغسطس 06, 2008 3:42 pm

ليه ده كله يعنى انا مش فاهمه بصراحه ليه الشغلانه دى
الرجوع الى أعلى الصفحة اذهب الى الأسفل
 
نصائح للاكل بعد الخطوبة طبعا للبنات , والشباب يدخل علشان يضحك
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
عالم المزيكا  :: ولاد وبنات :: منتدى البنات ( للبنات وبس ممنوع دخول الولاد)-
انتقل الى: